அன்பிற்குரிய விருச்சிகம் ராசி அன்பர்களே ! தற்போது வரை தங்கள் ராசிக்கு தைரிய ஸ்தானத்தில் சஞ்சரித்து கொண்டிருந்த சனி பகவான் திருக்கணித பஞ்சாங்கப்படி ஸ்ரீ சுபகிருது வருடம் தை மாதம் 3 ம் நாள் செவ்வாய்க்கிழமை 06 நாழிகை 04 வினாழிகை அளவில் அதாவது 2023 ஆம் ஆண்டு ஜனவரி மாதம் 17 ஆம் தேதி அவிட்டம் மூன்றாம் பாதத்திற்கு, அதாவது கும்ப ராசிக்கு சனிபகவான் பெயர்ச்சி ஆகிறார். வாக்கிய பஞ்சாங்கப்படி ஸ்ரீ சுபகிருது வருடம் பங்குனி மாதம் 15 ம் நாள் புதன்கிழமை 17 நாழிகை 07 வினாழிகை அளவில் அதாவது 2023 ஆம் ஆண்டு மார்ச் மாதம் 29 ஆம் தேதி அவிட்டம் மூன்றாம் பாதத்திற்கு, அதாவது கும்ப ராசிக்கு சனிபகவான் பெயர்ச்சி ஆகிறார். அதன் அடிப்படையில் உங்கள் ராசிக்கு நான்காம் இடத்திற்கு செல்லும் சனி பகவான் அர்த்தாஷ்டம சனி தோஷத்தை ஏற்படுத்துகிறார். இதுவரை தாங்கள் எந்த முயற்சி எடுத்தாலும் அந்த முயற்சியில் தடைகளையும், மந்த தன்மையயும் ஏற்படுத்தி முன்னேற்றம் இன்மையும் சந்தித்து வந்தீர்கள் மேலும் நிறைய பயண அலைச்சல்களையும் சந்தித்து வந்த தங்களுக்கு இந்த சனிப் பெயர்ச்சியினால் என்ன பலன்கள் நடைபெற போகிறது என்பதை பார்ப்போம் வாருங்கள். ்
.
விருச்சிக ராசிக்கு அர்த்தாஷ்டம சனியாக சஞ்சாரம் செய்தாலும் விருச்சிக ராசிக்காரர்கள் ஜீவனகாரகன் சனியின் அருளை பெற நீதி நேர்மை தவறாது ஜீவனத்தில் கடமையாற்றினால், விருச்சிகம் ராசி அன்பர்களுக்கு தொழில் ரீதியான நல்ல முன்னேற்றத்தையும், உத்தியோக உயர்வையும், உத்தியோக உயர்வினால் ஏற்படும் தன லாபங்களையும், தன லாபத்தினால் சொத்து சுகம் போன்ற வசதிவாய்ப்புகளையும் ஏற்படுத்தி தரவிருக்கிறார்.