தனுசு ராசி சனிப்பெயர்ச்சி பொதுப்பலன்கள்

விரிவான பலன்கள்

வருமானம்

கைத்தொழில் செய்பவர்கள் பொருளாதாரத்தில் நல்ல முன்னேற்றத்தை அடைவார்கள். ஏற்றுமதித்தொழிலில் புதிய முதலீடுகள் செய்பவர்கள் நல்ல லாபத்தை அடையலாம். தகவல் தொடர்புத்துறையில் பணியில் உள்ளவர்களுக்கு பொருளாதார ரீதியில் உயர்ந்த நிலைக்கு வர சனிப்பெயர்ச்சி வழி வகை செய்கிறது. தந்தைக்கு நல்ல பொருளாதார முன்னேற்றத்தை ஏற்படுத்தி கொடுக்கும் வகையில் இந்த சனி பெயர்ச்சி உதவ போகிறது. இளயசகோதரத்திற்கு நல்ல ஒரு பொருளாதார முன்னேற்றத்தை கொடுக்கப்போகிறது.

தொழில்

உத்தியோகத்தில் உள்ளவர்கள் உத்தியோக உயர்விற்கு முயற்சி எடுத்து நல்ல நிலைக்கு உயர தகுந்த காலகட்டமாக இருக்கிறது. தரகு மற்றும் கமிஷன் போன்ற துறைகளில் தொழில் செய்பவர்களுக்கு தொழிலை மேம்படுத்திக்கொள்ள உகந்த காலகட்டமாக இருக்கிறது. எழுத்துத்துறையை சார்ந்தவர்கள் புதிய படைப்புகளை எழுதி வெளியிடுவதற்கு சனி பெயர்ச்சி உறுதுணையாக நிற்கிறது. பரம்பரை தொழில் அல்லது தந்தையின் தொழிலையே கொண்டவர்களுக்கு முன்னேற்ற பாதையில் செல்வதற்கு கோள்சார சனி உறுதுணையாக இருக்கிறது.

ஆரோக்யம்:-

சனிப்பெயர்ச்சியின் துவக்கத்தில் ஆண்களுக்கு கண் சம்மந்தப்பட்ட பிரச்சனைகள் ஏற்படும். பெண்களுக்கு கர்பப்பை சம்மந்தப்பட்ட பிரச்சனைகளுக்கு அறுவை சிகிச்சை மேற்கொள்ள வேண்டியது வரலாம். மே 2023க்கு பிறகு விருச்சிக ராசிக்காரர்களின் உடல் நிலையில் முன்னேற்றம் ஏற்படும். வயதானவர்கள் சரியான தூக்கம் வராமல் கஷ்டப்பட நேரிடும். தியானத்தின் மூலமாக தூக்கமின்மையை சரி செய்யலாம். குழந்தைகளின் ஆரோக்கியம் சிறந்து விளங்கும்.

திருமண வாழ்க்கை குடும்பம்

சொத்துப் பிரச்சனை காரணமாக பிரிந்து இருந்த சொந்தங்கள் ஒன்று கூடுவார்கள். குடும்ப உறுப்பினர்களிடையே நல்லுறவு ஏற்படும். கணவன் மனைவி இடையே அன்யோன்யம் பலப்படும். வேலை பளு காரணமாக குழந்தைகளிடம் நேரம் ஒதுக்க முடியாமல் இருந்த பெற்றோர்கள் சனிப்பெயர்ச்சிக்கு பிறகு அதிக நேரம் ஒதுக்குவார்கள். பல வருடம் காதலித்து வந்தவர்களுக்கு திருமணம் கைகூடும். மூத்த குடிமக்களுக்கு வயது மூப்பு கரணமாக உடல் உபாதைக்காக மருத்துவ செலவுகள் ஏற்படும். மூத்த குடிமக்களை குடும்ப உறுப்பினர்கள் நன்றாக கவனித்துக்கொள்வார்கள்

குழந்தைகள்

சனிப்பெயர்ச்சிக்கு பிறகு குழந்தைகளின் அறிவு ஆற்றல் கூடும். குழந்தைகளிடம் கிரகிக்கும் தன்மை கூடி படிப்பில் நல்ல முன்னேற்றம் காண்பர். வணிகவியல் மற்றும் கணினித்துறை மாணவர்களின் படிப்பில் நல்ல மதிப்பெண் பெறுவார்கள். நாட்டில் இயற்பியல் ஆராய்ச்சி மாணவர்களின் தேவை அதிகரிக்கும். இயற்பியல் துறை ஆராய்ச்சிப் படிப்பு படிப்பவர்கள் தங்களின் ஆராய்ச்சி படிப்பை வெற்றிகரமாக முடிப்பார்கள்

பரிகாரம்

உங்களின் இஷ்ட தெய்வ கோவில்களுக்கு எண்ணை தானம் செய்வது, மேலும் அதேபகுதியில் இருக்கும் மனநிலை பாதிக்கப் பட்டவர், அல்லது உடல் ஊனமுற்றோருக்கு உதவுவதுவதால் மேலும் சிறப்பான சுப பலன்களை சனி பகவான் வழங்குவார்.