அன்பிற்குரிய மேஷ ராசி அன்பர்களே தற்போது வரை தங்கள் ராசிக்கு தசம ஸ்தானத்தில் சஞ்சரித்து கொண்டிருந்த சனி பகவான் திருக்கணித பஞ்சாங்கப்படி ஸ்ரீ சுபகிருது வருடம் தை மாதம் 3 ம் நாள் செவ்வாய்க்கிழமை 06 நாழிகை 04 வினாழிகை அளவில் அதாவது 2023 ஆம் ஆண்டு ஜனவரி மாதம் 17 ஆம் தேதி அவிட்டம் மூன்றாம் பாதத்திற்கு, அதாவது கும்ப ராசிக்கு சனிபகவான் பெயர்ச்சி ஆகிறார். வாக்கிய பஞ்சாங்கப்படி ஸ்ரீ சுபகிருது வருடம் பங்குனி மாதம் 15 ம் நாள் புதன்கிழமை 17 நாழிகை 07 வினாழிகை அளவில் அதாவது 2023 ஆம் ஆண்டு மார்ச் மாதம் 29 ஆம் தேதி அவிட்டம் மூன்றாம் பாதத்திற்கு, அதாவது கும்ப ராசிக்கு சனிபகவான் பெயர்ச்சி ஆகிறார். அதாவது தங்கள் ராசிக்கு லாப ஸ்தானத்தில் பெயர்ச்சியாகி பலன்களை வழங்க இருக்கிறார். இதுவரை தங்கள் தொழிலில் பெரிய வளர்ச்சி இல்லாமல் சற்று மந்தமான நிலையும், தொழிலில் லாபம் இருந்தாலும் அதை பயன்படுத்த முடியாத நிலையும், உடல் சோர்வு, தாய்க்கு உடல் நிலையில் பாதிப்பு, திருமண வாழ்வில் திருப்தியற்ற நிலை போன்ற நிலைகளை சந்தித்து வந்தீர்கள் மேலும் தொழில் ரீதியாக அடுத்த கட்ட முயற்சி செய்யலாமா? அல்லது வேண்டாமா? என்ற அளவிற்கு கடுமையான குழப்பங்களில் இருந்த தங்களுக்கு இந்த சனிப் பெயர்ச்சியினால் என்ன பலன்கள் நடைபெற போகிறது என்பதை பார்ப்போம் வாருங்கள்.
பொதுவாக மேஷ ராசியினருக்கு இந்த சனிப் பெயர்ச்சி காலம் நல்ல மேன்மையைத் தரும் காலமாக அமையும் எனக் கூறி தங்களுக்கு சனிபகவான் எல்லா வளங்களும் வழங்கவேண்டும் என பிராத்தனை செய்து நிறைவு செய்கின்றோம். .