கும்ப ராசி சனிப்பெயர்ச்சி பொதுப்பலன்கள்

விரிவான பலன்கள்

வருமானம்

கடன் பிரச்சனையில் சிக்கி தவித்த கும்ப ராசி அன்பர்களுக்கு இந்த சனிப் பெயர்ச்சி சாதகமான நிலையில் சஞ்சரிப்பது கடன் பிரச்சனையிலிருந்து வெளியே வருவதற்கு உகந்த தருனமாக இந்த சனிப்பெயர்ச்சி விளங்குகிறது. உத்தியோகத்தில் இருப்பவர்களுக்கு பதவி உயர்வுடன் சேர்த்து தன நிலையில் உயர்வும் ஏற்படும். தரகு, கமிஷன் மற்றும் தகவல் தொழில்நுட்பம் போன்ற தொழிலில் ஈடுபடுபவர்கள் நல்ல தன லாபத்தை அடையமுடியும். ரியல் எஸ்டேட் தொழிலில் சுமாரான லாபங்களையே எதிர்பார்க்க முடியும். மனைவியின் தன நிலையில் நல்ல உயர்வு ஏற்பட்டு குடும்ப பெருளாதாரத்தில் நல்ல முன்னேற்றம் ஏற்படும்.

தொழில்

உத்யோகத்தில் உள்ளவர்களுக்கு சனிபெயர்ச்சியின் ஆரம்ப காலகட்டத்தில் வேலை பளு அதிகமாக இருக்கும். ஜூன் 2023க்கு பிறகு வேலை பளு குறையும். புதிய சுயதொழில் தொடங்க முயற்சி எடுத்துவரும் நபர்களுக்கு நல்ல வாய்ப்புகள் அமையும். தொழிலில் நல்ல முன்னேற்ற சூழ்நிலை ஏற்படும். வாகனத்தை வைத்து பிரயாணத்தொழில் செய்பவர்களுக்கு தொழிலில் நல்ல முன்னேற்றம் ஏற்படும். தகவல் தொடர்பு, கமிஷன் மற்றும் விளம்பரத்துறையில் பணிபுரிபவர்களுக்கு உத்தியோகத்தில் நல்ல முன்னேற்றமும் உத்தியோக உயர்வும் ஏற்படும்...

ஆரோக்யம்:-

மாணவர்களுக்கு ஒற்றை தலைவலி பாதிப்புகள் வரலாம். வயதானவர்களுக்கு கால் மூட்டுகளில் வலி ஏற்பட்டு மறையும். ஆண்களுக்கு கண் சம்மந்தப்பட்ட பிரச்சனை ஏற்படலாம். குழந்தைகள் ஆரோக்கியமாக இருப்பார்கள். பெண்களுக்கு இந்த சனி பெயர்ச்சி காலகட்டங்களில் இறுக்கமான மனநிலை காணப்படும். தியானம் மற்றும் யோகா பயிற்சிகளில் ஈடுபட்டு வர இறுக்கமான மனநிலை மாறி சந்தோஷ மன நிலைக்கு மாறுவார்கள்..

திருமண வாழ்க்கை குடும்பம்

கணவன் மனைவிக்கு இடையில் ஒற்றுமை நிலவும். செப்டம்பர் 2023 காலகட்டங்களில் கணவன் மனைவிக்கு இடையில் சிறு மனஸ்தாபங்கள் ஏற்பட்டு நீங்கும். காதல் உறவில் இருப்பவர்களில் திருமண முயற்சி வெற்றிபெறும். குழந்தைகளின் படிப்பில் மந்த நிலை விலகி கிரகிக்கும் தன்மை அதிகரித்து படிப்பில் நல்ல முன்னேற்றம் கூடும். மூத்த குடிமக்களுக்கு ஆன்மீக சுற்றுலா செல்ல வாய்ப்புகள் உண்டாகும்

கல்வி

இதுவரை மிதமாக படித்துவந்த குழந்தைகள் படிப்பில் அதிக கவனம் செலுத்தி நன்றாக படிப்பார்கள். கடல் வழி, செவிலியர், மனித வள மேம்பாடு மற்றும் உளவியல் சார்ந்த படிப்பு படிப்பவர்கள் வெற்றிகரமாக படிப்பை முடித்து படிப்பில் சாதனை புரிவார்கள். மிண்ணனு மற்றும் தகவல் தொழில்நுட்பம் சார்ந்த ஆராய்ச்சி படிப்பை படிப்பவர்கள் புதிய தொழில் நுட்பங்களை கண்டுபிடித்து உலக அளவில் சாதனை புரிவார்கள்..

பரிகாரம்

ஊரின் ஒதுக்கு புறமாக இருக்கும் கோவில்களுக்கு எண்ணை தானம் செய்வது, முடி காணிக்கை கொடுப்பது மேலும் அதேபகுதியில் இருக்கும் மனநிலை பாதிக்கப் பட்டவர், அல்லது உடல் ஊனமுற்றோருக்கு உதவுவதால் மேலும் சிறப்பான பலன்களை சனி பகவான் வழங்குவார்.